Kantor kawat Boyolali
Ora kuwat rasane ati
Kawat diuntir-untir
Ora kuwat rasane pikir
Montor mabur rodhane telu
Atine ajur ditinggal mlayu
Suket teles kodanan sore
Dipikir ngenes ora melu nduwe
Dipacul kena lemahe
Arep disusul ora weruh omahe
Pring kuning mangklung kali
Ayu kuning ngetok-etoki
Pring ori, pring bongkotan
Cegat mburi metu brosotan
Jarik kawung diwiru-wiru
Atine bingung ora bisa turu
Kembang mlathi gandane wangi
Dadi ati rina wengi
Rujak babal kurang uyahe
Yen ditinggal piye polahe
Minggu-minggu ora prei
Tiwas ditunggu ora diwehi
Nyang Blauran numpak angkot
Jare prawan kok bokonge mlorot
Ireng-ireng, kuning-kuning
Jare seneng kok ora nyandhing
Selembar godhonge tela
Kudu sabar sawetara
Jaran kepang mangan lemah
Lambe abang gak saba omah
Sega liwet lawuhe tempe
Tresna banget kok ora digape
Sega pecel buntelan godhong
Atine mangkel ditinggal serong
Sega jagung sakbothoke
Kelangan sarung sakkathoke
Santen duduhe klapa
Cekap semanten atur kula.*
Tidak ada komentar:
Posting Komentar