WONG urip wis wajibe nyambutgawe, ikhtiyar golek pangan, golek bandha, kanggo rumeksa marang ragane, sarta anak lan bojone. Ngendi ana wong emoh dhuwit, endi ana wong emoh bandha-donya? Wong kang koncatan bandha bisa kuwur pikire, bisa thukul pikire kang ala.
Mengkono iku wis bener, ora kleru ,wong urip butuh dhuwit lan bandha donya kanggo nyukupi kabutuhane uripe.ing ngalam ndonya.Senajan bener wong urip diwenangake golek lan ngopeni bandha ndonya, nanging wong kang madhep marang bandha ndonya lan madhep marang Allah iku katon banget bedane.
Wong madhep marang Allah akeh tumaninahe,
wong madhep marang donya akeh pangangsa-angsane.
Wong madhep marang Allah akeh sabare,
wong kang madhep marang ndonya akeh napsune prakara badha.
Wong madhep marang Allah akeh elinge marang panfgawe becik,
wong madhep marang akeh laline, akeh emohe.
Wong madhep marang Allah akeh sumelehe, panarimane, syukure,
wong madhep marang ndonya akeh panggrangsang lan pangresulane.
Wong madhep marang Allah akeh adhem kepenake ,
wong madhep marang ndonya akeh sumuke lan panguneg-unege.
Wong madhep marang Allah akeh asihe marang sapadha-padha,
wong madhep marang ndonya akeh gething lan drengkine. Yen
dhemen lan asih marga ana pamrihe.
Wong madhep marang Allah, piklih mlarat katimbang rusak imane,
wong madhep marang ndonya pilih sugih ora perduli marang iman.
Wong kudu bisa misah-misahake endi sing becik lan endi sing ala. Kang ala ora dienggo kanthi dilalekake, dene sing bener diurip-urip.Yen wis bisa misah-misahake kaya mengkono sarta dilakoni, arane kebak ing pangati-ati. Yaiku sing diarani urip kang urip.[]
Mengkono cuplikan sethithik saka buku MADURASA weton Toko Buku Tan Koen Swie, Kediri, 70 taun kepungkur.Sarehne isine bab 'rasa' kudu dirasakake kanthi weninge ati.
Dhumateng para kadang, mitra kinasih,ingkang tuhu remen ing olah raos (religie) mugi tansah bagya-mulya manggihaken , ngaosaken, lebet suraosing raos. (Djajus Pete, Bojonegoro, 2011)
Terjemahan bebas, kurang lebih :
(Hidup yang Hidup)
Manusia wajib bekerja, ikhtiar untuk mencukupi kebutuhan hidupnya, untuk dirinya, anak dan istri. Tak ada seorang pun yang tak membutuhkan uang juga tak ada yang bisa lepas dari kebutuhannya akan harta benda. Bahkan sebaliknya, orang yang dijauhi sarana hidup di dunia, uang dan benda, akan kalut pikirannya, dan akan mudah memicu pikiran-pikiran buruk.
Itu benar karena hidup yang layak memerlukan sarana. Sekalipun benar adanya hal itu, namun ada juga bedanya, bahkan jauh berbeda, antara orang yang 'menghadap' harta dan orang yang 'menghadap' Allah.
Orang menghadap Allah, banyak tumaninahnya,
orang yang menghadap (mementingkan) harta, banyak
yang menggebu hasratnya, nekat, tanpa mengingat kemampuan.
Orang yang menghadap Allah banyak sabarnya,
orang yang menghadap (mementingkan) harta banyak napsunya
menumpuk harta kekayanannya.
Orang yang menghadap Allah,banyak ingatnya terhadap amalan baik,
orang yang menghadap (mementingkan) harta banyak lupanya,
dan bahkan menolaknya.
Orang yang menghadap Allah, banyak 'nrima' dan bersukur
orang yang menghadap (mementingkan ) harta banyak merasa kurang dan mengeluh.
Orang menghadap Allah, banyak tenteramnya
Orang yang menghadap (mementingkan) harta banyak berasa panas penuh keinginan.
Orang yang menghadap Allah, banyak welas-asihnya terhadap sesama,
orang yang menghadap (mementingkan) harta banyak benci-jahatnya,dan jail.
Kalaupun tampak berbelas kasih, ada maksud terselubung.
Orang yang mengadap Allah, pilih melarat daripada rusak imannya,
Orang yang menghadap (mementingkan) harta , pilih kaya tak peduli iman.
Demikian sedikit kutipan dari buku Madurasa, terbitan toko buku Tan Koen Swie,Kediri, 70 tahun yang lalu. Karena isinya mengenani 'rasa' haruslah dirasakan dengan kejernihan hati.*
Catatan :
nrima = bisa menerima apa adanya tanpa mengeluh.
Tidak ada komentar:
Posting Komentar